வருங்கால அமெரிக்க ஜனாதிபதிக்கு!

அம்மையீர்!

வணக்கம்.

தங்கள் நலம் உலகறிந்ததே. ஆனால், நானும் எம்மனோரும் சுகமாய் இல்லை.

காரணம் தாங்கள் அறிந்ததே.

பொய்த்துப் போன மழையாவது, மனசு வைத்து அப்பப்போ பெய்யுது. ஆனா, மறந்துப் போன உம்ம மனசு?

அமைச்சர்கள அடிமையாக்குறது, அதிகாரிகள தொரத்தி அடிப்பது, தி.மு.க.காரன ஜெயில்ல போடுறது, இணையத்துல எந்த அப்புராணி சப்புராணி உம்மப்பத்தி எழுதுனா, பொய் கேசு போடுறது; இதைப் பத்தியெல்லாம் சிந்திச்சிக்கிட்டு இருக்கீயன்னு நம்ம சின்ராசு சொன்னான்...

ஏதோ எப்புடியோ போயித் தொலையட்டும், நமக்கென்ன’ன்னு இருக்க முடியலை. வோட்டுப் போட்டுத் தொலஞ்சுட்டமேன்னு வவுரெல்லாம் எரியுது. ஆங், கேக்க மறந்துட்டேன். சசிகலாவின் நலத்தை விசாரித்ததாக சொல்லவும்.

அப்புறம், மேட்டருக்கு வாரேன்.

இந்தக் கரண்டு கரண்டுன்னு ஒண்ணு மேடம்ம்ம்ம்ம். என்னடா, அதைக் கண்டுபுடிச்சமேரி ரெண்டுவாட்டி சொல்றியேன்னு கேக்காதீக. ‘மைக்கேல் பாரடே’ன்னு ஒரு பன்னாட கண்டுபுடிச்சுட்டுப் போயிச்சேந்துட்டான். இப்போ அவன் போயிச் சேந்தது மேட்டர் இல்ல அம்மையீர். இப்போ இருக்குற கரண்டு கட்டு கண்டினியு ஆச்சு, அப்புறம் சோத்துக்கு ஊ ஊ ஊ ஊ ஊ.

எப்பிடியா? விவசாயம் பண்ண தண்ணி மட்டும் பத்தாது, அதை இறைக்க கரண்டும் வேணும்வோய். நம்பலைன்னா, நம்ம அண்ணாச்சி ஓ.பன்னீர்செல்வத்திடம் விசாரிக்கவும்.

இன்னொண்ணு இன்னான்னா, லங்கை லங்கைன்னு ஒரு நாடு இருக்குங்க(மேலதிக தகவலுக்கு எங்க ஊரு எம்.எல்.ஏ.வை அணுகவும்). கஞ்சி தண்ணிக்காக அவிங்க பாவம் மீன் புடிக்கப் போறாங்க. சில ராஸ்கோல்ஸ் அவிங்கள அடிச்சு அடிச்சு வெறட்டுராங்கலாம். இதெல்லாம் ஏன் என்னோட பார்வைக்குக் கொண்டுவரலைன்னு உங்க அடிமைகள ஒரு ரைட் விடுங்க மேடம்.

ஆனா, தில்லா ஒவ்வொரு படகுலையும் துப்பாக்கியோட ஒரு போலீச அனுப்பிப்பாருங்க. அப்பிடியில்லாம, “மீனவன் மீனைக் கொல்லுரான்”ற ரேஞ்சுல நம்ம பாடகிமேரி ஸ்டேட்மெண்டு வுட வேண்டாம். மேடம், அதுவும் உங்க கேசுல அடுத்து என்ன சொல்லி வாய்தா வாங்கலாம்னு யோசிச்சதுபோக நேரமிருந்தா இதைப் பற்றியும் ரோசிக்கவும்.

டெங்கு காய்ச்சல் இப்போ காட்டோ காட்டுன்னு, நம்ம டாக்குட்டார்மேரி காட்டுது. கால்ல விழுந்து கெஞ்சிக் கேக்குறேன், அதை சரி செய்ய எந்த நடவடிக்கை எடுக்காட்டியும் பரவாயில்ல, ஆனா, சுகாதாரத்துறை அமைச்சர் யாருன்னாவது எங்களுக்குச் சொல்லவும்.

-வெட்கங்கெட்ட ஆட்சியர்கள் ஆளும் நாட்டில்,

மானங்கெட்ட குடிமகன்,

வெளங்காதவன்.

டிஸ்கி: யாராவதுக்கு மனம் புண்பட்டால், நல்ல டாக்டரிடம் காட்டவும். அப்பவும் ஆறவில்லையெனில் ஆசிட் வாங்கி ஊத்தவும். நன்னி.

பேயாம இருக்கோணும்!

பன்னாடை நடுத்தர மக்களே,

ப.சி. எழுதிக்கிறது!

நீங்கெல்லாம் அவ்ளோ பெரிய அப்பாடக்கரா?

ங்கொய்யாலே! ஒரு ரூவா அரிசி வெலைய ஏத்துனதுக்கு என்னா சவுண்டு?

2G ல கொள்ளையடிச்சோம்!

மூடிட்டு இருந்தீங்க!

வெளிநாட்டுல இருக்குற கருப்புப் பணத்தக் கணக்கு காட்டமாட்டம்னு சொன்னோம்!

மூடிட்டு இருந்தீங்க!

லோக்பால் அம்புட்டுதேன்னு சொன்னோம்!

மூடிட்டு இருந்தீங்க!

பாலுவோட சேந்து கப்பல் விட்டுக் கொள்ளையடிச்சோம்!

மூடிட்டு இருந்தீங்க!

மகனோட சேந்து கோதுமை வெலையை ஏத்துனோம்!

மூடிட்டு இருந்தீங்க!

ரூவாவோட மதிப்ப ஒலக சந்தைல எறக்குனோம்!

மூடிட்டு இருந்தீங்க!

பெட்ரோல் வெலை மதிப்பீட்ட தனியார் கைல கொடுத்தோம்!

மூடிட்டு இருந்தீங்க!

வாழும் வள்ளுவரோட சேந்து, தமிழர்கள அழிச்சோம்!

மூடிட்டு இருந்தீங்க!

நாடாளுமன்றக் கட்டிடத்துல தீ வச்சு, ஆவணங்கள அழிச்சோம்!

மூடிட்டு இருந்தீங்க!

காமன்வெல்த் ஊழல் பண்ணுனோம்!

மூடிட்டு இருந்தீங்க!

இனியும் 2G ல அடிக்கப்போறோம்!

மூடிட்டுத்தான் இருப்பீங்க!

வாயை.....

இந்த ஒரு ரூவாய ஏத்துனதுக்கு எத்தன பேச்சு?

இப்பவெல்லாம் சரக்கு வெலையவே கன்னாபின்னான்னு ஏத்துறாங்க. அதையெல்லாம் கேக்க வக்கில்லை.

சொம்பத்தூக்கிட்டு வந்துட்டானுவ கேனைங்க!

ஆதலால்,

வாழைப்பழம் சாப்பிட்டு வாழ்க்கையை ஓட்ட, அன்னை சோனியாஜியின் அடி வணங்கி முடிக்கிறேன்!

நன்றி!

இங்ஙனம்,

ப.சிதம்பரம்.  

ஜனநாயகம்-கவுஜ!!

நான்கிற்கடுத்தே வரும்,

மையுரிமை!

காந்தி சிரிப்பில் தொலைக்கிறோம்

வாக்குரிமை!

சீமைச் சரக்குகளோடே-

சீவிய சிந்தாமணிகளும்,

சிக்கெடுத்த சிங்காரிகளும்,

சிரித்துச் சிரித்துக் கும்பிடுவர்!

பெண்டிர் எனில் மூக்குத்தி,

பெரிதாயொரு குடம், புடவைகளும்- இப்போதெல்லாம்,

ஃபுல் பாட்டில் பீரும்!

சுத்தமாகும் ரோடும்,

சுமோக்களின் பாடும்!!

ஓட்டுக்கு ஓராயிரமென காலம் மலையேறி,

ஒன்றிரண்டாகி ஒரு கட்சி பலவாகி,

பல இணைந்து ஒன்றாக்கி ஆடுவார்கள் ஆட்டம்!!!

பச்சைக்குதிரை என்று பசபசக்க நின்றிருந்து,

விரலில் மைதடவி,

ஓங்கி ஒரு குத்து வைத்து,

வெளியே வரும்போது, ஒரு பாக்கெட் பிரியாணி!

ஆனதெல்லாம் உன்கணக்கு ஐயாயிரம்!

ஐந்தாண்டு உன்பாடு திண்டாயிடும்!

விலையேற்றம், தட்டுப்பாடு, பணவீக்கம்

பலபேசி உந்தலையில் மிளகரைப்பர்!

எதுவென்னவிலை ஏற்றமாகிவிடினும்,

குவாட்டர் மட்டும்

குடித்துவிட்டு, குப்புறப்படு!

-    முனைவ்வ்வர் பட்டாபட்டி

உடன்பிறப்பே...

உடன்பிறப்பே,
                        சொல்லொண்ணாத் துயரில் ஆழ்ந்திருக்கும் என்னை, இங்ஙனம் ஓர் மடல் வரையக் காலம் கனிந்திருக்கிறது. நானும் நீயும் காத்திருந்த நேரம் இதுதான். சங்கரன் கோவிலிலே இடைத் தேர்தல் வந்துவிட்டது. இருட்டில் விடப்பட்ட ஆட்சியில், நமக்கொரு சவால். சவாலைச் சாதனையாக்குவதில், இந்தத் தலைவனுக்குத் தேவையான தொண்டன் நீ!
 
                       இவ்வளவு காலம் கட்சிக்கென உழைத்த உனக்கு, வெற்றிக் கனியைப் பறித்துக் கொடுக்கும் வாய்ப்பைக் கொடுக்கிறான் உன் தலைவன். எழுச்சிமிகு வீரனாய், வீறு கொண்டெழுந்து வா! கேட்கிறது உன் மனசாட்சியின் குரல். அதற்கெல்லாம் பதிலளிக்கும் நேரம் இதோ, வந்துவிட்டது. எனினும், பதிலளிக்க இயலாத அளவு பணிச்சுமையுடன் நான் குடும்பத்துக்காய் கட்சிக்காய் அயராது உழைத்து வருகிறேன் என்பதை நீயறிவாய்.

                        காலன் வந்து எம்மக்களைக் காவு வாங்கினான் லங்கையிலே. அப்போது நான் எழுதாத கடிதமில்லை, அனுப்பத தந்தியில்லை என்பதை கழக உடன்பிறப்பே நீயறிவாய். ஆம், இனப் படுகொலைக்கு எதிராய், முதன்முதலில் திருவாய் மலர்ந்தவன் நான்தான். மத்திய சர்க்காருக்கு நான் கொடுத்த நெருக்கடி தாங்காமல்தான், போர் நிறுத்தம் அறிவித்தார்கள் என்பதை இந்த உலகமே அறியும்.

                        இதோ, இப்போது ஐக்கிய நாடுகள் சபையினிலே லங்கைப்போருக்கு எதிரான தீர்மானம் கொண்டுவந்தது அமெரிக்கா. மாற்றினத்தவன் கொடுக்கும் ஆதரவைக் கூட, நீயும் நானும் கொடுத்த/கொடுக்கும் ஆதரவைக் கூட, மத்திய அரசு தராதது கண்டு, வெகுண்டேழுகிறேன் உடன்பிறப்பே!

                        போர் மேகங்கள் திரண்டிருந்த வேளையிலே, நான் உன் பணியாற்ற எமது சட்டசபையிலே தீர்மானம் போட்டுக்கொண்டிருந்தேன் என்பதை நான் சொல்லாமலே நீ அறிவாயடா எனதருமை உடன்பிறப்பே. வரலாற்றைத் திரித்துக் கூறும் கருங்காலிகளுக்கெல்லாம் ஒன்றே ஒன்று சொல்லிக் கொள்கிறேன்.

"தமிழர்களே, தமிழர்களே! என்னைக் கடலில் தூக்கிப் போட்டாலும், நான் கட்டுமரமாக மிதப்பேன்; அதில் ஏறி நீங்கள் பயணம் செய்யலாம். கவிழ்ந்து விடமாட்டேன்"

- மனசாட்சியைக் கழற்றிவைத்துவிட்டு,

மு.க.

டிஸ்கி:-வேதனைகளை சீரியசான வார்த்தைகளாக்கும் கலை இன்னும் கைவரப் பெறவில்லை. மன்னியுங்கள்!